GWOBR GWEITHWYR CAFFAEL YFORY
Yn cydnabod gweithwyr proffesiynol ym maes caffael sy'n dod i'r amlwg ac sydd eisoes yn cael effaith gadarnhaol ac yn dangos addewid eithriadol ar gyfer y dyfodol.
YMGEISIO AM Y GWOBRAUTrosolwg o'r Wobr
Mae’r wobr hon yn dathlu unigolion sydd newydd ddechrau ar yrfa ym maes caffael cyhoeddus – p’un a ydynt wedi ymuno drwy gynllun i raddedigion, prentisiaeth, penderfyniad i newid gyrfa, neu unrhyw lwybr arall. Mae’n cydnabod y sawl sy’n dangos addewid gwirioneddol, brwdfrydedd ac effaith, ac sydd eisoes yn dechrau dylanwadu ar sut beth yw caffael da. Nid yw’r beirniaid yn chwilio am berffeithrwydd na sglein: maent yn chwilio am ddilysrwydd, chwilfrydedd, a’r math o gyfraniad sy’n awgrymu dyfodol disglair yn y proffesiwn.
Cymhwystra: Mae’n agored i unigolion sydd newydd ddechrau ar yrfa ym maes caffael cyhoeddus, gan gynnwys y sawl sydd wedi ymuno drwy Brentisiaethau Modern, Rhaglenni i Raddedigion a Chynlluniau Cyflogadwyedd neu’r sawl sydd wedi penderfynu newid gyrfa.
Cyfnod cymwys: Mis Ionawr 2025 i fis Mawrth 2026
Cwestiynau'r Cais
Beth fu cyd-destun gwaith yr enwebai yn ystod y cyfnod cymhwyso, a beth sydd wedi eu hysgogi?
Sut mae'r enwebai wedi meithrin perthnasoedd, datblygu eu sgiliau a thyfu yn eu rôl?
Pa effaith mae'r enwebai wedi'i chael, a pha dystiolaeth sydd fod eu cyfraniad wedi gwneud gwahaniaeth gwirioneddol?
Beth mae'r enwebai wedi'i ddysgu yn ystod y cyfnod hwn, a sut mae hynny wedi llywio'r ffordd y maent yn gweithio?
Dywedwch wrthym am daith yr enwebai i mewn i gaffael yn y sector cyhoeddus. Beth ddaeth â nhw i'r proffesiwn, a beth sydd wedi sefyll allan iddynt hyd yma?
Beth mae'r enwebai yn ei ddysgu, sut maent yn datblygu, ac i ble maent yn gobeithio y bydd eu gyrfa ym maes caffael yn mynd â nhw?
Yn barod i gyflwyno cais?
Mae'r ceisiadau bellach ar agor
